Mundarija
TB MARKET
TB Market

Maxfiylik siyosati

TB Market qanday shaxsga doir ma’lumotlarni yig‘ishi, ulardan nima uchun foydalanishi, kimlarga berishi, qancha saqlashi va siz ularni qanday boshqarishingiz mumkinligi — shu xizmat aslida qanday ishlashiga asoslangan holda.

Oxirgi yangilanish: 30.10.2026 tozabog.uz, TB Fresh, TB Market ilovasi va hamkorlar bo‘limlari
Hisobni o‘chirish

Qisqacha

1Siyosat nimaga tatbiq etiladi

Ushbu siyosat quyidagilarga tatbiq etiladi: tozabog.uz (TB Market marketpleysi), fresh.tozabog.uz (TB Fresh), to‘lov va TB Bank sahifalari, TB Market Android ilovasi (uz.tozabog.market), TB Market Telegram botlari, shuningdek sotuvchi, kuryer va topshirish punkti (PVZ) bo‘limlari va ularning ilovalari (TB Seller, TB Kuryer, TB PVZ). Hamkorlar ma’lumotlari alohida — «Sotuvchilar, kuryerlar va PVZ xodimlari» bo‘limida.

Ma’lumotlar O‘zbekiston Respublikasining «Shaxsga doir ma’lumotlar to‘g‘risida»gi Qonuni va boshqa qonun hujjatlariga muvofiq qayta ishlanadi.

2Operator va aloqa

Xizmat operatori — TB Market (tozabog.uz). Maxfiylik bo‘yicha savollar, ma’lumotlaringiz haqida so‘rov va shikoyatlarni sayt yoki ilovadagi Yordam bo‘limi va qo‘llab-quvvatlash chati orqali yuboring.

3Qanday ma’lumotlarni qayta ishlaymiz

Quyidagilar faqat siz tegishli funksiyadan foydalanganingizda paydo bo‘ladi:

Hisob

  • Ism, telefon raqami, e-pochta, TB ID raqami (7 xonali hisob raqami), parol — faqat xesh ko‘rinishida.
  • Ixtiyoriy: foydalanuvchi nomi, profil rasmi, tug‘ilgan sana, jins, ommaviy ism va shahar.
  • «Ommaviy profil» va 18+ sozlamalaringiz — sayt va ilovada bir xil ishlashi uchun.
  • Qabul qilgan hujjatlaringiz (foydalanish shartlari, oferta, sotuvchi qoidalari, ushbu siyosat): hujjat va uning tahriri, sana va vaqt, IP manzil va brauzer — kelishuv tuzilganini tasdiqlash uchun.

Kirish va xavfsizlik

  • SMS yoki e-pochta orqali bir martalik kodlar (xesh ko‘rinishida, 10 daqiqa amal qiladi).
  • Kirish urinishlari: IP manzil va brauzer — urinishlarni cheklash va hisobni himoya qilish uchun.
  • Kirilgan qurilmalar ro‘yxati: qurilma nomi, birinchi va oxirgi IP manzil.
  • «Shu hisob bilan kirasizmi?» uchun eslab qolingan qurilma (cookie; serverda faqat uning xeshi).
  • Face ID yoki barmoq izi bilan kirish (yoqsangiz): biometrik ma’lumot qurilmangizdan chiqmaydi — biz faqat ochiq kalit yoki token xeshini saqlaymiz.

Manzil va joylashuv

  • Yetkazish manzili: qabul qiluvchi ismi, telefoni, viloyat, tuman, manzil.
  • Xaritadagi nuqta — faqat siz «Joriy joylashuv»ni bosganingizda yoki xaritada belgilaganingizda.
  • Tanlangan shahar va topshirish punkti (cookie). Saytdagi shaharni aniqlash tugmasi koordinatalarni serverga yubormaydi — eng yaqin shahar brauzerning o‘zida hisoblanadi.

Buyurtmalar

  • Tarkib, narxlar, chegirma, promokod va bonuslar, yetkazish usuli va punkt, holatlar tarixi, punktda berish kodi, bekor qilish va qaytarish sabablari.
  • Kuryer yetkazib berilganini tasdiqlovchi rasm yuklashi mumkin (yopiq saqlanadi).

To‘lovlar

  • To‘lov usuli va holati, provayderga yuborilgan to‘lov so‘rovining nusxasi. Karta bilan to‘lov TB Market ulagan bank yoki to‘lov provayderi (masalan Payme, CLICK, Uzum) orqali amalga oshadi.
  • Kartani saqlasangiz: karta raqami, amal muddati va CVV faqat provayderga tokenlash uchun uzatiladi va bizda saqlanmaydi. Biz shifrlangan token, oxirgi 4 raqam, karta turi, amal muddati va karta egasining ismini saqlaymiz.
  • TB Bank hisobi: balans, operatsiyalar tarixi, PIN (xesh). Bonus ballar tarixi.
  • Bo‘lib to‘lash arizalari: hamkor, muddat, summa, holat, telefon raqami va hamkorga yuborilgan so‘rov nusxasi.
  • Pul qaytarish uchun qo‘lda kiritilgan karta raqami — shifrlangan; uni pulni o‘tkazadigan xodim ko‘radi, hisob o‘chirilganda o‘chiriladi.

Sharhlar va ommaviy profil

  • Baho, sharh matni, rasm va videolar, mahsulot haqidagi savollar. Sharh ismingiz bilan yoki «Anonim xaridor» sifatida e’lon qilinadi.
  • Ilovadagi ommaviy profil hammaga ko‘rinadi (tizimga kirmaganlarga ham): ism, foydalanuvchi nomi, profil rasmi, ro‘yxatdan o‘tgan sana, anonim bo‘lmagan sharhlar, sharhlar soni va o‘rtacha baho, yetkazilgan xaridlar soni, «foydali» ovozlar soni, yutuqlar, ochiq to‘plamlar, kuzatuvchilar va kuzatuvlar (ismlari bilan), profil ko‘rishlari soni. Ilovadagi «Top xaridorlar» ro‘yxatida ism, rasm, sharhlar va xaridlar soni ko‘rsatilishi mumkin.
  • Ilovadagi «Ommaviy profil» sozlamasi hozircha faqat shu qurilmada saqlanadi va profilni boshqalardan yashirmaydi. Sharhni anonim qoldirishingiz yoki hisobni o‘chirishingiz mumkin.

Yozishmalar

  • Sotuvchilar va qo‘llab-quvvatlash xizmati bilan chatlar, biriktirilgan rasm va fayllar, avtomatik yordamchi javoblari.

Faollik

  • Savat, sevimlilar, to‘plamlar, solishtirish ro‘yxati.
  • Qidiruv tarixi — oxirgi 24 ta so‘rov (o‘zingiz o‘chirishingiz mumkin).
  • Rasm bo‘yicha qidiruv: rasm tahlil qilinadi va saqlanmaydi — faqat fayl nomi, hajmi va natijalar soni yoziladi.
  • Oxirgi ko‘rilgan mahsulotlar — faqat qurilmangizda.

Bildirishnomalar

  • Ilova push-tokeni, brauzer push-obunasi, bildirishnoma sozlamalari (toifalar bo‘yicha). Ilovada «Ijtimoiy faollik» toifasi sukut bo‘yicha yoqilgan, boshqa toifalarni o‘zingiz yoqasiz; xavfsizlik xabarlari doim yuboriladi.
  • E-pochta xatlari: buyurtma holati, kirish kodlari.
  • Telegram botni ulasangiz: Telegram ID, foydalanuvchi nomi, ism va familiya, botga yozgan xabarlaringiz va bot javoblari.

Texnik ma’lumotlar

  • IP manzil, brauzer va ilova versiyasi.
  • Ilova xatolari haqida hisobotlar (IP manzil xeshlanadi).
  • Ilova qurilma identifikatori (ilova birinchi ochilganda tasodifiy yaratiladi) — xatolar hisobotlari va reklama hisobi uchun.
  • TB Market ichidagi reklama bannerlari (o‘zimizning va sotuvchilar buyurtma qilgan): ko‘rishlar va bosishlar xesh-identifikator bilan hisoblanadi. Tizimga kirgan bo‘lsangiz, ko‘rish va bosishlar hisobingizga bog‘lanadi, 7 kun ichida o‘sha mahsulot yoki do‘kondan qilgan xaridingiz reklama natijasiga qo‘shiladi. Hisobotlarda faqat umumiy sonlar ko‘rsatiladi.

4Nima uchun foydalanamiz

  • Xizmat ko‘rsatish (shartnoma): hisob, kirish, buyurtma, yetkazish, punktda berish, to‘lov, qaytarish, bonuslar, qo‘llab-quvvatlash.
  • Xavfsizlik: hisobni himoya qilish, kirish urinishlarini cheklash, firibgarlikning oldini olish, xodimlar harakatlari jurnali.
  • Qonun talablari: buxgalteriya, soliq va fiskal cheklar, vakolatli organlarning qonuniy so‘rovlari.
  • Ijtimoiy funksiyalar: ommaviy profil, sharhlar, kuzatishlar va «Top xaridorlar» ro‘yxati — xizmatning bir qismi (yuqoridagi «Sharhlar va ommaviy profil»ga qarang).
  • Roziligingiz asosida: ixtiyoriy profil ma’lumotlari, joylashuv, push-bildirishnomalar va aksiya xabarlari, Telegram bot. Rozilikni istalgan vaqtda qaytarib olishingiz mumkin (sozlamalar yoki qurilma ruxsatlari orqali).
  • Xizmatni yaxshilash: xatolar hisobotlari; reklama natijalari — hisobotlarda faqat umumiy sonlar.
  • Xaridorlar haqida huquqiy oqibatga olib keladigan avtomatik qarorlar qabul qilmaymiz. Bo‘lib to‘lashni tasdiqlash yoki rad etishni hamkor o‘z qoidalari bo‘yicha hal qiladi. Sotuvchilar uchun FBS qoidalari avtomatik qo‘llanadi — «Sotuvchilar, kuryerlar va PVZ xodimlari» bo‘limiga qarang.

5Ma’lumotlar kimlarga beriladi

Faqat xizmatni bajarish uchun zarur bo‘lgan qism va faqat tegishli holatda:

KimNimaQachon
SotuvchiIsm, telefon, yetkazish manzili yoki punkt, buyurtma tarkibi, siz yozgan xabarlarUning mahsulotini buyurtma qilganingizda yoki unga yozganingizda
KuryerIsm, telefon, manzil va xaritadagi nuqta, buyurtma raqami, yetkazishda to‘lanadigan summaKuryer orqali yetkazishda
Topshirish punkti (PVZ) xodimiIsm, telefon, buyurtma va posilkalarBuyurtmani punktdan olganingizda
Bank va to‘lov provayderlariSumma, buyurtma raqami; ulanish turiga qarab ismingiz, telefon va e-pochta; karta ma’lumotlari (provayder sahifasida yoki kartani saqlashda API orqali, karta egasining ismi bilan)Karta bilan to‘lov, kartani saqlash, qaytarish
Bo‘lib to‘lash hamkori (masalan ZoodPay)Ism, telefon, e-pochta, manzil; buyurtma tarkibi (mahsulot nomi, artikul, toifa, soni, narxi), summa, yetkazish va chegirma summasiFaqat bo‘lib to‘lashni tanlaganingizda
Fiskal operator (soliq tizimi)Chek ma’lumotlari va xaridor kontakti (ism, telefon, e-pochta)Fiskal chek chiqarish yoqilganda
SMS provayderi (Eskiz)Telefon raqami va kod matniSMS kod yuborilganda
E-pochta serveri (xosting)E-pochta, ism, xat matniXat yuborilganda
Google FirebasePush-token va bildirishnoma matniIlova bildirishnomalari
Brauzer push xizmatlari (Apple, Google, Mozilla)Push-obuna va bildirishnoma matniBrauzerda bildirishnomalarni yoqsangiz
TelegramBotni o‘zingiz ulasangiz — sizga yuboriladigan buyurtma va xabar bildirishnomalari. Sotuvchi yoki TB Market xodimlari Telegram bildirishnomalarini ulagan bo‘lsa — yangi buyurtma (ismingiz va mahsulotlar) hamda ularga yozgan xabaringiz (ismingiz bilan) ularning Telegram chatiga yuboriladiBotni ulaganingizda; sotuvchi yoki qo‘llab-quvvatlash Telegram orqali ishlaganda
Yandex XaritalarXarita ochilganda brauzeringiz yoki ilova Yandex’ga to‘g‘ridan-to‘g‘ri murojaat qiladi (IP, qurilma ma’lumotlari); ilovada xaritada ko‘rsatilayotgan manzil matni yoki nuqta ham Yandex’ga uzatiladiXarita yoki punktlar xaritasi ochilganda
Google Maps yoki Yandex (kuryer)Kuryer yo‘lni topish uchun manzilingiz yoki nuqtani Google yoki Yandex xaritasida ochishi mumkinKuryer orqali yetkazishda
Xosting va texnik xizmatServer va zaxira nusxalaridagi ma’lumotlarDoimiy
Vakolatli davlat organlariQonunda talab qilingan ma’lumotlarFaqat qonunda belgilangan hollarda va tartibda

TB Market xodimlari ma’lumotlarni faqat o‘z vazifasi uchun kerakli bo‘limlarda ko‘radi (rollar va huquqlar); ularning harakatlari jurnalga yoziladi.

6Ma’lumotlar qayerda saqlanadi

Asosiy ma’lumotlar bazasi TB Market serverida saqlanadi.

Google (Firebase, xaritalar), Telegram, Yandex, brauzer push xizmatlari va ayrim to‘lov hamkorlari ma’lumotlarni O‘zbekistondan tashqarida ham qayta ishlashi mumkin — faqat siz yuqorida ko‘rsatilgan funksiyadan foydalanganingizda.

7Qancha saqlaymiz

  • Hisob ma’lumotlari — hisob faol ekan.
  • Hujjatlarni qabul qilish yozuvlari — hisob mavjud ekan; hisob o‘chirilganda o‘chiriladi.
  • Bir martalik kodlar (SMS va e-pochta) — 2 kundan keyin o‘chiriladi.
  • Kirish urinishlari jurnali — 2 kun.
  • Ilova xatolari hisobotlari — 45 kun.
  • E-pochta xatlarining nusxalari — 120 kun.
  • Qidiruv tarixi — oxirgi 24 ta so‘rov.
  • OneID orqali kirish holati — 10 daqiqa amal qiladi; muddati o‘tgan yozuvlar bir kundan keyin o‘chiriladi.
  • Telegram bot bilan yozishmalar jurnali — muddat belgilanmagan; hisob o‘chirilganda o‘chiriladi.
  • Kuryer joylashuvi — faqat oxirgi nuqta, smena davomida; smena yopilganda o‘chiriladi.
  • Reklama ko‘rish belgilari — 2 soat amal qiladi, eskilarini serverdagi tozalash vazifasi o‘chiradi. Reklama ko‘rish va bosish statistikasi reklama hisobotlari uchun saqlanadi; hisob o‘chirilganda sizga bog‘lanishi uziladi.
  • Buyurtmalar, to‘lovlar, fiskal cheklar, qaytarishlar va yozishmalar — buxgalteriya, soliq va nizolar uchun zarur muddat davomida, hisob o‘chirilgandan keyin ham («Hisobni o‘chirish» bo‘limiga qarang).
  • Tozalash sayt ishlayotganda avtomatik bajariladi, shuning uchun yozuv ko‘rsatilgan muddatdan biroz kechroq o‘chishi mumkin.

8Xavfsizlik

  • Barcha ulanishlar HTTPS orqali.
  • Parollar, kirish kodlari va TB Bank PIN — faqat xesh; to‘lov tokenlari, karta raqamlari, to‘lov, SMS va OneID integratsiyalari kalitlari hamda Telegram bot tokenlari — AES-256-GCM bilan shifrlangan. Punktda berish kodi punkt xodimi tekshirishi uchun shifrlanmagan holda saqlanadi.
  • Sessiya cookie-fayllari faqat server o‘qiydi (HttpOnly), HTTPS’da Secure; xaridor sessiyasi 30 kun; to‘lov va TB Bank sahifalarida hamda xodimlar bo‘limlarida — 7 kun (24 soat faolsizlikda yopiladi).
  • Kirish urinishlari va kod so‘rovlari soni cheklangan.
  • Xodimlar uchun rollar va huquqlar hamda harakatlar jurnali.
  • Hech bir tizim mutlaq himoyani kafolatlay olmaydi. Xavfsizlik hodisasi yuz bersa, qonunda belgilangan choralarni ko‘ramiz.

9Sotuvchilar, kuryerlar va PVZ xodimlari

Sotuvchilar

  • Do‘kon egasi: ism, telefon, e-pochta; do‘kon nomi, logotipi va tavsifi (ochiq).
  • Rekvizitlar: biznes shakli, nomi, STIR yoki JShShIR, OKED, QQS kodi, direktor, yuridik manzil, bank nomi, MFO, hisob raqami, to‘lovlar uchun karta (karta raqami shifrlangan).
  • Ro‘yxatdan o‘tish hujjati — yopiq saqlanadi, faqat tekshiruvchi xodimlar ko‘radi.
  • Do‘kon xodimlari, mahsulotlar, moliya operatsiyalari va to‘lovlar; ro‘yxatdan o‘tishni yakunlash eslatmalari (xat pastidagi havola orqali obunani bekor qilish mumkin).
  • FBS qoidalari yoqilgan bo‘lsa, ular avtomatik ishlaydi: muddat o‘tkazib yuborilsa, buyurtmadagi do‘kon mahsulotlari avtomatik bekor qilinadi va jarima yozilishi mumkin (e’tiroz muddati bilan); bajarish ko‘rsatkichi past bo‘lsa, do‘kon mahsulotlari bir necha kunga yashiriladi.

Kuryerlar

  • Ism, telefon, smenalar, yetkazishlar, naqd pul operatsiyalari.
  • Joylashuv — faqat smena onlayn bo‘lsa va «Joylashuvni ulashish» yoqilgan bo‘lsa; faqat oxirgi nuqta saqlanadi, uni kuryerning o‘zi va logistika administratorlari ko‘radi, xaridorga ko‘rsatilmaydi.
  • Yetkazishni tasdiqlovchi rasmlar — yopiq saqlanadi.

Topshirish punkti xodimlari

  • Ism, telefon, biriktirilgan punktlar va rol, smenalar, kassa operatsiyalari, harakatlar jurnali.

OneID bilan kirish

  • OneID (egov.uz) orqali kirishda ism va foydalanuvchi turi olinadi; JShShIR faqat xesh va niqoblangan ko‘rinishda saqlanadi.

10Cookie-fayllar va qurilmadagi saqlash

Biz faqat o‘z cookie-fayllarimizdan foydalanamiz; reklama yoki analitika cookie-fayllari yo‘q.

NomiNima uchunMuddati
TOZABOGCUSTOMER (bo‘limlarda TOZABOGSELLER, TOZABOGCOURIER, TOZABOGPICKUP, TOZABOGPAY, TOZABOGBANK, TOZABOGADMIN va boshq.)Tizimga kirgan sessiyaXaridor — 30 kun; to‘lov, TB Bank va xodimlar bo‘limlari — 7 kun (har kirishda yangilanadi)
TBID_DEVICE«Shu hisob bilan kirasizmi?» — eslab qolingan qurilma180 kun
tb_customer_deviceKirilgan qurilmalar ro‘yxati uchun brauzer identifikatori1 yil
TB_ONEID_BINDOneID orqali kirish jarayoni10 daqiqa
tozabog_langTil1 yil
tb_location, tb_pickup_point_id, tbf_placeTanlangan shahar, topshirish punkti, TB Fresh yetkazish joyi (manzil va nuqta)1 yil
tb_compareSolishtirish ro‘yxati30 kun
tb_uiXodimlar bo‘limida ilova yoki sayt ko‘rinishi1 yil
tb_push, tb_push_devPush-obunani shu qurilmaga bog‘lash1 yil

Qurilmada (localStorage / ilova xotirasi) quyidagilar saqlanadi: mavzu (yorug‘ / qorong‘i), til, valyuta va kurslar keshi, katalog sahifalari keshi, oxirgi ko‘rilgan mahsulotlar va qidiruv tarixi nusxasi, tanlangan shahar, punkt va telefon kodi davlati, TB Fresh yetkazish joyi (manzil va nuqta), ilova qurilma identifikatori, ilovaga kirish tokeni, Face ID yoqilgani, «Ommaviy profil» va 18+ sozlamalari, bildirishnoma sozlamalari, punktda tayyor buyurtma haqidagi oflayn ma’lumot (Android), yuborilmagan xatolar navbati.

Yandex xaritasi ochilganda Yandex o‘z cookie-fayllarini o‘rnatishi mumkin — bu ularning siyosatiga bo‘ysunadi.

11Mobil ilova ruxsatlari

RuxsatQachon ishlatiladi
JoylashuvFaqat siz «Joriy joylashuv»ni bosganingizda (kuryer manzili, TB Fresh yetkazish joyi). Ilova fonda joylashuvni yig‘maydi.
Kamera va galereyaSiz tanlaganingizda: profil rasmi, sharh rasmi yoki videosi, chatga fayl, rasm bo‘yicha qidiruv, shtrix-kodni skanerlash.
BildirishnomalarSozlamalarda yoqilgan toifalar bo‘yicha (buyurtma holati, xabarlar, aksiyalar va boshq.); «Ijtimoiy faollik» sukut bo‘yicha yoqilgan, xavfsizlik xabarlari doim. Ilova fonda taxminan har 15 daqiqada yangi bildirishnomalarni tekshiradi.
Face ID / barmoq iziBiometrik kirishni yoqsangiz — tekshiruv qurilmaning o‘zida.

Ruxsatlarni istalgan vaqtda telefon sozlamalarida o‘chirishingiz mumkin; asosiy xarid funksiyalari ularsiz ham ishlaydi.

12Sizning huquqlaringiz va boshqaruv

  • Profil ma’lumotlaringizni ko‘rish va o‘zgartirish — sayt yoki ilovadagi Profil va TB ID bo‘limlari.
  • Qidiruv tarixini, sharhlaringizni va sevimlilarni o‘chirish.
  • Bildirishnoma toifalarini o‘chirish (ilova sozlamalari); eslatma xatlaridan obunani bekor qilish (xat pastidagi havola).
  • Joylashuv, kamera va bildirishnoma ruxsatlarini qurilma sozlamalarida qaytarib olish.
  • Ilovada kirilgan qurilmalarni ko‘rish va ulardan chiqish.
  • Qaysi ma’lumotlaringiz qayta ishlanayotgani haqida ma’lumot so‘rash, xatoni tuzatish yoki qayta ishlashni to‘xtatishni talab qilish — Yordam yoki operator aloqalari orqali.
  • Hisobni o‘chirishni so‘rash — alohida sahifa yoki ilovadagi Profil.
  • Shaxsga doir ma’lumotlar sohasidagi vakolatli davlat organiga shikoyat qilish.

13Hisobni o‘chirish

  • So‘rov hisobni o‘chirish sahifasida yoki ilovada (Profil › Hisobni o‘chirish, parol bilan) yuboriladi. Ilovadan yuborilganda ilova barcha qurilmalarda hisobdan chiqadi va ilova push-bildirishnomalari to‘xtaydi; brauzer push va Telegram bildirishnomalari hisob o‘chirilganda to‘xtaydi. Hisob o‘chirilgach, saytdagi ochiq sessiya ko‘pi bilan 5 daqiqada yopiladi.
  • Tizimga kirmasdan yuborilgan so‘rovda xodim hisob egasini telefon yoki e-pochta orqali bog‘lanib tekshiradi.
  • So‘rovni xodim 30 kun ichida bajaradi. Faol buyurtma, ochiq qaytarish, sizga hali qaytarilmagan pul yoki TB Bank balansida pul bo‘lsa — avval ular yakunlanadi.
  • O‘chiriladi yoki shaxssizlantiriladi: ism, telefon, e-pochta, foydalanuvchi nomi, profil rasmi va ma’lumotlari, manzillar (viloyat nomidan tashqari), xaritadagi nuqtalar va yetkazishlardagi manzil nusxalari, savat, sevimlilar, to‘plamlar, kuzatishlar, qidiruv tarixi, saqlangan kartalar va pul qaytarish uchun kiritilgan karta raqami, push-qurilmalar va obunalar, kirish tokenlari va qurilmalar, Face ID kalitlari, Telegram bog‘lanishi va bot yozishmalari, bildirishnomalar, TB Bank PIN, kodlar va xatlar nusxalari, reklama statistikasi bilan bog‘lanish. Sharhlaringiz «Anonim xaridor» nomi bilan qoladi.
  • Saqlanadi: buyurtmalar, to‘lovlar, qaytarishlar va yozishmalar — buxgalteriya, soliq va nizolar uchun; ular endi ism, telefon va e-pochtangiz bilan bog‘lanmaydi. Fiskal cheklar, to‘lov so‘rovlari va bo‘lib to‘lash arizalarining nusxalari hamda yozishmalar matni o‘zgartirilmaydi — ularda o‘sha paytdagi ism va kontaktlar qolishi mumkin. Bonus ballardan endi foydalanib bo‘lmaydi.
  • Sotuvchi, kuryer yoki PVZ bo‘limingiz bo‘lsa, ular alohida — Yordam orqali yozing.
Hisobni o‘chirishYordam

14Bolalar

TB Market bolalarga mo‘ljallangan xizmat emas; ro‘yxatdan o‘tishda yosh tekshirilmaydi. Agar bola ma’lumotlari bizga berilganini bilsangiz, Yordam orqali yozing.

15Siyosatdagi o‘zgarishlar

Xizmat yoki qonun o‘zgarsa, siyosat yangilanadi. Amaldagi tahrir doim shu sahifada «Oxirgi yangilanish» sanasi bilan e’lon qilinadi.